Мэргэн кап-2024 тэмцээн Монголд анх удаа

Сүхбаатар аймгийн Харваачдын холбооноос санаачлан зохион байгуулсан Монгол улсын Мэргэн цолтой харваачдад хүндэтгэл үзүүлэх “МЭРГЭН КАП-2024” тэмцээн Сүхбаатар аймгийн Баруун-Урт суманд амжилттай зохион байгуулагдлаа.

Тэмцээнд: Улсын цолтой 32 харваач оролцсоноос

~Дархан мэргэн-3

~Даяар дуурсах мэргэн-2

~Даян мэргэн- 6

~Мэргэн-9

~Хүндэт мэргэн-5

~Гарамгай харваач-3

~Гоц харваач-2

~Онч харваач-1

~Тод харваач-1

Тэмцээний дүн:

ТЭРГҮҮН БАЙР

Ховд аймгийн Булган сумын уугуул, Орхон аймаг уулын баяжуулах Эрдэнэт үйлдвэр, Хангарьд спорт хорооны харваач Монгол Улсын Даяар Дуурсах Мэргэн Лхамжавын Отгонбаяр

ДЭД БАЙР

Дорнод аймгийн Дашбалбар сум, Дорнод аймгийн харваачдын холбоо, ЗХ-ний 027-р ангийн харваач Монгол Улсын Гарамгай харваач Мэлсийн Бат-Орших

ШИЛДЭГ ДӨРӨВТ

Говь-Алтай аймгийн Бугат сумын уугуул, Засагт хан клубын харваач Монгол Улсын Даян Мэргэн Баатарын Дашзэвэг

Сүхбаатар аймгийн Эрдэнэцагаан сум, Егүзэрийн мэргэн үндэсний сурын холбооны харваач Аймгийн гоц харваач, Спортын мастер Гансүхийн Золжаргал

ШИЛДЭГ НАЙМД

Сүхбаатар аймгийн Эрдэнэцагаан сум, Егүзэрийн мэргэн үндэсний сурын холбооны харваач Аймгийн гоц харваач Цэрэнноровын Баатархуяг

Ховд аймгийн Мөнххайрхан сумын уугуул, Модун клубын харваач, Спортын мастер Жаргалдалайн Энх-Амгалан

Говь-Алтай аймгийн Дарви сумын уугуул, Засагт Хан клубын харваач Аймгийн Гарамгай харваач, Спортын Мастер Лхамжавын Гончиг

Баян-Өлгий аймаг Алтай сумын уугуул, Батлан хамгаалах их сургууль, Өлгийн мэргэчүүл багийн харваач, Монгол Улсын Онч Харваач Нармандахын Алтантулга нар шалгарлаа.

Тус тэмцээнийг зорин хүндэтгэн оролцсон нийт харваачдадаа талархал илэрхийлье.

МОНГОЛ СУРЫН АЛТАН ШАР ЗУРХАЙ ӨНӨ МӨНХӨД ИВЭЭХ БОЛТУГАЙ.